Na zôczątkù proszëmë zapòznac sã z programama jaczi dôwôją mòznotã dolmaczënkù lopków na kaszëbsczi jãzëk.
Soft-wôrã KBabel je nôlepszym z przistãpnëch nôrzãdzów do dolmaczëniô lopków .po. KBabel je mòżno brëkòwac blós pòd Linuksã w jaczégò wnet kôżdi distribùcëji sã najdiwô (je mòżlëwé, żé bãdzeta mùszëlë gò ù se doinstalowac z CD/DVD).
po Edit to alterantiwnô programa jaką je mòżno brëkòwac m.jin na platfòrmã Widnowsa.
Je to alternatiwa dlô tëch co chcą pòmóc, a nie brëkùjã ù se Linuksa.
gtranslator to nôslédny editora, jaczégò je mòżno brëkòwac pòd Linuksã. Ùsôdzony òstôł òn z mëslą ò òkrãżëm Gnome, co równak nie przeszkôdzô w dolmaczënkach.
To wôżny dzél ti ùdbë. Stara ò to, bë słowizna jaczi brëkùjemë bëła spójnô je prioritetã.
Jak to robimë?
Dodôwómë słowa ë pò ew. òbgôdce/pòprôwce zacwierdzómé je ë dodôwómë do Słowôrzka.
Plac na òbgôdkã bëł przë starnach kaszëbijë, równak bez małé zaczekawienié tématiką òstôł zawieszony co prowôdzi do tegò, że òbgôdka robimë blós e-mailową dargą.
Pò blëższëm pòznaniém tëch programów proszëmë ju pisac do Michôła , jaczi przëjął na se rolã kòòrdinatora dolmaczënkù, z prosbą ò przëdzelenié dzélu Linuksa do dolmaczënkù. Na nen ôrt nie bãdzemë dublowac naji robòtë